ALVARO MORATA:MSHAMBULIAJI WA CHELSEA APATA JERAHA

Mshambuliaji wa Chelsea Alvaro Morata huenda akakaa nje ya uwanja kwa zaidi ya mwezi mmoja baada ya kupata jeraha la misuli ya paja wakati wa mechi ambayo walilazwa 1-0 na Manchester City Jumapili.

Mshambuliaji huyo wa umri wa miaka 24 alijiunga na Chelsea kwa £60m majira ya joto kutoka Real Madrid, ada iliyovunja rekodi Chelsea.

Amewafungia Blues mabao saba kufikia sasa.Madaktari wa timu ya taifa ya Uhispania wanasema alipata jeraha la ngazi ya tatu kwenye misuli yake ya paka na hataweza kuwachezea mechi za kufuzu za Kombe la Dunia dhidi ya Albania na Israel wiki hii.

Majeraha kama hayo kwenye misuli mara nyingi huchukua wiki nne hadi nane kupona.Uhispania wanaongoza Kundi G wakiwa alama tatu mbele ya Italia, wakiwa wamesalia na mechi mbili.Chelsea wamepangiwa kucheza dhidi ya Crystal Palace 14 Oktoba na baadaye dhidi ya Roma, Watford na Everton.