MO MUSIC:TIMBULO KWA HILI UMEKOSEA

Msanii Mo Music amesema msanii mwenzake Timbulo kusema amemsaidia lakini hakutaka kutangaza hakuwa sahihi, kwani kusaidiana ni kitu cha kawaida.

Akiongea na mwandishi wetu Mo Music amesema anamuheshimu Timbulo kama msanii mwenzake na amemkuta kwenye game, lakini kitendo cha kusema amemsaidia sana ni uongo na hata suala la kutangaza anambania, halina ukweli wowote na hajapendezwa nacho.

"Timbulo ni kaka kwangu lakini anakuwa anakosea anapozungumza hivyo, kiukweli amenikwaza, Timbulo ni kaka ambaye nimemkuta kwenye muziki, anavyosema mimi natangaza ananibania ananibania nini, kwa sababu yeye ana mashabiki wake na mimi nina mashabiki wangu, hakuna faida yoyote", alisema Mo Music.