WAKWE WAMBANIA HAMMER Q MTOTO WAKE

Msanii Hammer Q

Msanii wa miondoko ya Bongo fleva na Taarabu Hammer Q ameiomba eNewz kufikisha ujumbe kwa wakwe zake kuwa anaomba apatiwe mtoto wake amlee yeye.

Hammer Q amesema hayo kupitia kipindi cha eNewz kuwa haoni sababu yeyote ya wakwe zake kumficha mtoto wake na kudai kama ni ugomvi wao binafsi haupaswi kusababisha kumtenganisha yeye na mtoto wake, kwa kuwa hajashindwa kumlea mtoto wake lakini kila akijaribu kumsogelea mtoto wake wanamlete ubabe na ukali.

Mbali na hilo Hammer Q amesema anachokishangaa ni mama mzazi wa mtoto wake amemchukua mtoto wao na kumpeleka kijijini kwa babu yake huko Vikindu mkoani Pwani na kila anapotaka kumuona mtoto wake anatakiwa apitie kwa mtu mwingine ambaye hahusiani kabisa na mtoto wake  kuomba ruksa ili aweze kuonyeshwa mtoto wake.

Hammer Q amesema ameshajaribu kuwatuma watu wengi sana ili kuweza kuomba aweze kupewa mda wa kuwa na mtoto wake japo kila  weekend lakini imekuwa ngumu,hivyo ameamua kutumia show ya eNewz  kuwafikishia ujumbe wakwe zake ili wampe nafasi  ya kuonana na mwanae.