MAVUGO AMELIPELEKA KWA BIBI YAKE GOLI ALILOWAFUNGA YANGA

MSHAMBULIAJI wa Simba Laudit Mavugo, amesema goli alilofunga dhidi Yanga anamzawadia bibi yake ambae yupo Bunjumbura ambae alikuwa anamuombea kwa muda mrefu kabla ya mechi dhidi ya Yanga.

Mavugo alifunga goli la kusawazisha dhidi ya Yanga na huku likiwa ni goli lake la kwanza dhidi ya Yanga katika mechi mbili za ligi alizocheza dhidi yao.

Mavugo amesema: “Goli nililofunga ninampatia bibi yangu kama zawadi kwa sababu amekuwa akiniombea na kunitia moyo kuelekea katika mchezo huo.”

“Kufunga kwangu ni kutokana na kujituma na kuwasikiliza walimu wanachotufundisha pindi tunapokuwa mazoezini, hiyo ndiyo siri yangu ya upachikaji wa mabao kwasasa,” alisema Mavugo.

Mshambuliaji huyo raia wa Burundi amesema ana washukuru mashabiki wa Simba kwa kuwasapoti kuanzia mwanzo wa mchezo mpaka mwisho na kwaahidi kuwapa kitu ambacho walikikosa takriba miaka minne.