YANGA HAIKUWA NA BAHATI KATIKA SPORTPESA SUPER CUP:MWAMBUSI

Kocha Msaidizi wa Yanga, Juma Mwambusi.
Kocha Msaidizi wa Yanga, Juma Mwambusi amesema timu yake haikuwa na bahati kwenye michuano ya SportPesa Super Cup baada ya kutolewa kwa mikwaju na penalti dhidi ya timu ya AFC Leopards Kenya.
Mwambusi ambaye ni kocha wa zamani wa Mbeya City amesema timu yake ilicheza vizuri kwenye mechi zote mbili lakini tatizo lililowasumbua ni kumkosa bahati ya kufunga mabao.
“Tumekosa Bahati kusema kweli tulicheza vizuri mechi zote mbili hata huu mchezo wa nusu fainali lakini tulikosa Bahati na hiyo  hi kutokana na kutakuwa na wachezaji wenye uwezo pale mbele,” amesema.
Kocha huyo amesema hana wa kumlaumu kwa sababu michuano hiyo ilikuwa ya kustukiza mno na baadhi ya wachezaji wao nyota walishaondoka nchini kwenda mapumzikoni baada ya ligi kumalizika.
Amesema kwa kuitambua michuano hiyo msimu ujao watajipanga na kuhakikisha wanafanya vizuri zaidi ikiwemo kucheza fainali na timu za Kenya ambayo ndizo zilitamba zaidi kwenye michuano hiyo.
Amesema nao mfungo wa Mwezi Mtukufu wa Ramadhan umechangia kwa timu yao kutolewa mapema kwani asilimia kubwa ya wachezaji wake ni waislamu na wamecheza wakiwa wamefunga.