KESI YA MDEE YAIVA

Mahakama ya Hakimu Mkazi Kisutu, Dar es Salaam, jana iliambiwa kwamba upelelezi wa kesi ya Mbunge wa Kawe (Chadema), Halima Mdee, kwa tuhuma za kumtukana Rais John Magufuli umekamilika.

Baada ya taarifa hiyo, mahakama hiyo ilipanga kusikiliza maelezo ya awali Oktoba 11, mwaka huu.

Madai hayo yalitolewa jana na Wakili wa Serikali Mwandamizi Mutalemwa Kishenyi, mbele ya Hakimu Mkazi Mwandamizi Victoria Nongwa.

Kishenyi alidai kuwa kesi hiyo ilipangwa kutajwa jana na kwamba upelelezi umekamilika.

Alidai kuwa upande wa Jamhuri unaomba tarehe ya kusikiliza maelezo ya awali.

Hakimu Nongwa alisema mahakama yake itasikiliza maelelezo ya awali Oktoba 11, mwaka huu.

Mdee (39), anadaiwa kumtukana rais kwa kusema kuwa "Rais Dk. Magufuli anaongea ovyo ovyo, anatakiwa afungwe breki".

Awali, upande wa Jamhuri ukiongozwa na Wakili wa Serikali Mwandamizi, Nassoro Katuga, akisaidiana na Mwendesha Mashtaka, Inspekta wa Polisi Hamisi Said, ulidai kuwa Julai 3, mwaka huu, Mtaa wa Ufipa, Kinondoni, katika ofisi za Makao Makuu ya Chadema,
Mshtakiwa alikana shtaka hilo.