RAY C AWACHANA WASANII WENZAKE WA ZAMANI

Msanii wa Bongo fleva mwenye 'hit song' ya 'Unanimaliza', Ray C alimaarufu kama 'kiuno hakina mfupa' amewachana wasanii wenzake wakongwe kwa kuwaambia waache uoga, warudi katika 'industry' ya muziki kwa kuwa bado wanamchango mkubwa katika jamii.

Ray C amefunguka hayo kupitia kipindi cha eNewz ambapo aliwataka wakina  Daz Baba, Joslin, Sister P, Zay B, Daz Nundaz na Chid Benz waache kujifikilia kuwa wataonekana vipi na jamii kwa sababu ya kupotea kipindi kirefu katika muziki bali wanapaswa kujiamini na kumuamini Mungu tu, kwa kuwa hakuna mkamilifu.

"Wamekata tu tamaa ya maisha lakini kuna wengi labda wanajua historia yangu tangu nilipotoka, nilipokuwa mpaka nimesimama hapa najua wanapata imani sana, kwa hiyo nasimama hapa kama 'hope' kwa watu wengine 'don't give up' kwenye 'game'...Wasanii wengi wa zamani natamani niwasikie tena wakina Joslin, Juma Nature, Sister P, Raha P, Zay B, Daz Baba, Chid Benz, Daz Nunda, Feroouz pamoja na Fanani..Come back dada yenu nimepitia magumu labda kupita hata nyie lakini nipo hapa nimesimama 'with a lot confidence' yaani sina hata muda wa kufikilia majuto, wasiwasi, uoga sijali kwamba watu watasemaje ndiyo maana mimi nimeweza, kwanini na wao wasiwezi kwani wao ni wakina nani ?". Alisema Ray C

Pamoja na hayo, Ray C amesema wasanii wengi wanaogopa kurudi katika muziki kipindi hiki kwa kuhofia kutokuwa na mashabiki kama walivyokuwa zamani wakijaza katika matamasha yao pindi wanapokuwa wapo juu ya steji wakiimba.

Kwa upande mwingine, msanii huyo amewashauri wakongwe wenzake wasihofie kwamba watapokelewaje wakiwa wanarudi ila wanapaswa wawe na imani ya kutosha huku akiwataka watumie vizuri 'social media' ili waweze kujijengea tena misingi mizuri kwa mashabiki zao pamoja na kuuza kwa muziki.