MKUU WA WILAYA ARUMERU AFANYA ZIARA KATA YA KIKWE

Mkuu wa Wilaya ya Arumeru Bwana Alexander Pastory Mnyeti jana Tarehe 16/05/2017 amefanya ziara katika Kata ya Kikwe na kukabidhi mashine ya kuchapia na kutolea photocopy katika Shule ya msingi Nambala pamoja na kukagua darasa la kutoa mafunzo kwa wanafunzi kwa njia ya teknolojia ya habari na mawasiliano.

Katika hatu nyingine Mkuu huyo wa Wilaya amezindua Vyoo vya kisasa kwaajili ya wanafunzi wa Kiume na wa Kike wa Shule ya Msingi Kikwe, vyoo ambayo vinaeneo maalum litakalowawezesha wanafunzi wenye ulemavu kupata Huduma hiyo bila taabu. Vyoo hivyo vimejengwa kwa mchango wa nguvu ya wananchi na wafadhili ikiwa ni utekelezaji wa uhamasishaji uliofanya na Mkuu huyo wa Wilaya Julai mwaka Jana alipotembelea shule hiyo.