Christian Bella amedai kuwa jina lake katika Jamhuri ya Kidemokrasi ya Kongo, anakotokea, limeanza kuwa kubwa kwa sasa.
Ameiambia Bongo5 kuwa, hadi kuna mastaa ambao alikuwa akiwaona tu kwenye TV, leo wanataka collabo naye.
“Kongo,mpaka kuna mastaa ambao mimi nilikuwa nawaangalia kwenye TV nilipokuwa nakua, leo wananiomba mimi collabo,” amesema. “Kwahiyo inamaanisha kuwa kazi zangu zote ambazo mimi nafanya, zinaendaga Kongo,” ameongeza.
Amedai kuwa umaarufu wake ni mkubwa zaidi katika upande wa mashariki ambapo huzungumza Kiswahili.
Ameyataja maeneo hayo kuwa ni pamoja na Bukavu, Lubumbashi na Goma.
Hata hivyo Bella amedai kuwa hana haraka na soko la Kongo, bali anataka kuiteka Afrika nzima, na kwa kuanzia ni kujieneza katika nchi za Afrika Mashariki.
No comments:
Post a Comment